Пелистер загуби, но не се посрамоти во дуелот со ПСЖ

Екипата на Еурофарм Пелистер доживеа пораз од Пари Сен Жермен од 31:26 во средбата од четвртото коло во Лигата на шампионите.

Македонскиот првак достојно се претстави на ова тешко гостување на кое се обиде да се носи, парира на големиот фаворит, тим кој веќе доста години го брка трофејот во ова натпреварување.

Битолчани имаа минус три по 30 минути игра (15-12), па во вториот дел постојано се обидуваа да се заканат, да го направат дуелот далеку поинтересен, ама „светците“ секогаш имаа одговор кога беше најпотребно и со своето искуство, знаење и квалитет дојдоа до посакуваниот резултат.

Борзаш, Тајник и Пешевски дадоа по пет гола за Пелистер, додека Сипжак со седум ја предводеше листата на стрелци кај победникот.

Во наредната рунда Пелистер му гостува на Загреб.