Пелистер му се одмази на Феникс за поразот во Купот, домаќините без грешка на денешните натпревари

Кошаркарите на Пелистер обезбедија сигурна победа над Феникс 2010 во последната средба од денешната програма во Првата лига.

Домашниот тим убедливи десет минути во кои создаде двоцифрена предност (25-12) и воден од тоа го контролираше резултатот, играта во продолжението и оствари триумф од 93-74, триумф со кој му се одмазди на скопскиот состав за поразот во Купот на Македонија.

Со истиот ја потврдија втората стартна позиција пред почетокот на плеј-офот. Најефикасни беа Маслинко со 28 поени и 8 скока и Сапунџиев со 17 кошеви и 7 скока. Најсветла точка кај поразените беше Митревски со 23 кошеви.

И на сите останати средби славеа домаќините, ТФТ ја доби Струмица (92-82), Работнички славеше над Чаир (83-67) и Гостивар беше подобар од Еуро Никел (85-65).