Неочекуваниот херој на Реал: Си испративме јасна порака на пет минути пред крајот на дербито

Карло Анчелоти ги измеша картите во стартниот тим по големиот напор кој го вложија неговите играчи против Манчестер Сити, па така место во стартната постава доби и Лукас Васкез на место на Дани Карвахал.

Иако на прв поглед се чинеше дека ова е една обична измена во почетните 11, на крајот испадна дека Лукас е херојот од сенка на најновото „Ел Класико“, бидејќи дефанзивецот се избори за пенал, постигна гол за 2:2 и асистираше за победничкиот гол на Белингам.

– Ова беше спектакуларно, реакцијата на навивачите беше извонредна на крајот од мечот. Повторно доживевавме незаборавна ноќ, ова е нешто што го заслужуваме. Напрвивме огромен исчекор кон титулата во Ла Лига, сега преостанува само да го завериме трофејот.

– И покрај тоа што бевме изморени од мечот во Манчестер, повторно покажавме карарктер. Повторно одигравме голем меч, оставивме се на теренот и на крајот добивме награда. Титулата сега е многу блиску до нас.

– На пет минути пред крајот на регуларниот дел, имаше прекин за Барса и сите играчи бевме блиску еден до друг. Се погледнавме и рековме дека ќе одиме по уште еден гол, одиме на победа. Тоа е ДНК-та на овој клуб, тоа е желбата која ја презентира Реал Мадрид. Секогаш одиме на победа, се бориме до крај и никогаш не се прогласуваме за поразени, – изјави Лукас.