Навивач на Бохум го погоди судијата во глава, првиот меч од Бундеслигата не го дочека својот крај (Видео)

Првиот меч од 27-то коло во Бундеслигата не го дочека својот крај, а причина за тоа е еден идиот од трибините кој направи непотребен инцидент во 70-та минута.

Бохум губеше со 0:2 на домашен терен од Борусија Менхенглдбах, но како што стојат работите, најверојатно овој натпревар ќе го загуби со службен резултат 0:3.

Причина за тоа е лошото обезбедување и идиотскиот потег на фан од трибините, кој успеа да го погоди линискиот судија со чаша пиво.

Кристијан Гителман доби удар во главата и брзо стави до знаење дека не станува збор за посериозна повреда, но поради прикажаната агресија, главниот судија Кортус го прекина мечот и ги испрати играчите во соблекувалните.

Играчите на Бохум се противеа на постапките од трибините и им забележаа на своите фанови за непромислениот потег, а со јавно извинување брзо се јави и клубот.

– Мечот нема да се доигра. Може само официјално да му се извиниме на линискиот судија Кристијан Гителман. Засрамувачка и горчлива вечер за нас. Екстремно глупа акција од идиотски фан,  – гласи објавата на Бохум.

The match will not be restarted, #BOCBMG has been abandoned. We can only formally apologise to linesman Christian Gittelmannn. A highly embarrassing and bitter evening for us. An extremely stupid action from an idiotic fan.

0-2 #BOCBMG #meinVfL

— VfL Bochum 1848 (@VfLBochum1848EN) March 18, 2022