Мота може да биде горд на своите играчи: Болоња со неверојатна акција стигна до победа над Лацио (Видео)

Новата рунда во Серија А беше отворена денеска со натпреваро на „Ренато Далара“, а истиот ќе остане запаметен по неверојатната акција која ја изведоа домаќините на стартот на вториот дел.

Почетниот удар ретко носи нешто посебно на фудбалските терени, но Тиаго Мота оваа вечер може да биде горд на тоа што го изведоа неговите фудбалери, бидејќи стартот на второто полувреме беше зачинет со спектакуларен гол.

Топката тргна од центарот, топката беше вратена во одбраната и неколку играчи искомбинираа, а потоа истата имаше извонреден проток по левата страна, пред Салемакерс да ја проследи во средината.

Циркце несебично додаде до Фергусон и го остави својот соиграч очи в очи со противничкиот голман, а напаѓачот потоа прецизно реализираше за водство од 1:0.

Тренерот Мота остана воодушевен од акцијата која ја изведоа неговите миленици, но што е уште поважно, ова се покажа како одлучувачки момент за победата и важни три бода во Серија А.