Митревски и Порто немаа одговор за Веспрем

Никола Митревски и неговите соиграчи од Порто немаа одговор за Веспрем на средбата која вечерва се одигра во Лигата на шампионите.

Унгарскиот гигант беше расположен, доминантен и со 44-34 ја реши оваа пресметка. Во двете полувремиња домаќините реализирааа по 22 гола што е навистина импресивна бројка за елитно натпреварувње и против тим како Порто кој редовно е дел од истото.

Ремили со 10 гола ја предводеше листата на стрелци, додека кај Порто се истакна Кристенсен со 8 гола.

Нашиот репрезентативец Митревски забележа 4 одбрани.

Порто и во следното коло има тешко гостување кај актуелниот европски шампион Магдебург.