Винисиус го „поздрави“ Араухо и ја повтори неговата изјава од минатата година (Фото)

Реал Мадрид се врати на тронот во шпанскиот фудбал и по 36-ти пат во својата историја стана национален првак, откако расплетот на 34-то коло донесе најпосауван епилог за „кралевите“.

Тимот на Карло Анчелоти го победи Кадис и чекаше разврска од каталонското дерби, а откако Џирона вторпат ја победи Барселона со резултат 4:2, почна славјето во престолнината.

Играчите на Реал почнаа со прослава на титулата на „Сантијаго Бернабеу“, но актуелни се и „отровните стрели“ кои се испраќаат преку социјалните мрежи.

Ривалството со Барселона го прават уште поголемо реакциите на самите фудбалери, а Винисиус се погрижи за дополнителна сласт меѓу навивачите на Реал поради „поздравот“ кој го испрати до Роналд Араухо.

Стоперот на Барселона беше доста оптимистички настроен по освоената Суперкуп титула во Ријад пред една година, кога на шпанската јавност и најави дека почнува една нова ера во која ќе доминира Барса.

Една година подоцна, Реал ги комплетираше титулите во Суперкупот и во Ла Лига, по што Винисус возврати и заклучи дека новата ера ја сочинуваат младите играчи на Реал.

La nueva era 👀 https://t.co/PP2Kday5Rg

— Vini Jr. (@vinijr) May 4, 2024