Меси позираше со Мбапе и Нејмар во соблекувалната и испрати порака по првиот гол во ПСЖ (Фото)

Лионел Меси еуфорично го прослави својот прв гол во дресот на ПСЖ, а тоа го направи во прегратката на двајцата соиграчи за кои многу се зборува во последно време.

Дел од француските медиуми се обидоа да додадат жар на огнот со информации дека Мбапе не е воодушевен од блискоста меѓу Меси и Нејмар, но тројцата направија ваквите гласини да се најдат во втор план, најпрво со заедничката прослава на теренот, а потоа и заедничката слика од соблекувалната на „Паркот на принцовите“.

Првиот гол на Меси во дресот на ПСЖ беше фантастичен и пристигна по асистенција на Мбапе, по што Лео ја испрати и првата порака за француските медиуми.

– Имав огромна желба да играм, не играв многу во последно време. Малку по малку се привикнувам на новиот тим и соиграчите. Знам дека денешниот ден беше многу важен, сега мора да продолжиме бидејќи преостануваат многу натпревари оваа сезона.

– Колку повеќе сме заедно на теренот, толку подобри ќе бидеме заедно јас, Нејмар и Мбапе. Почнуваме да се запознаваме заедно на теренот, – додаде Меси по победата од 2:0 над Сити.

 

View this post on Instagram

 

A post shared by NJ 10 🇧🇷 (@neymarjr)

 

View this post on Instagram

 

A post shared by Leo Messi (@leomessi)

 

View this post on Instagram

 

A post shared by Kylian Mbappé (@k.mbappe)