„Комити“ открија колку пари се собрани за Вардар за само три дена (Фото)

Вардар има огромна фан база која е верна и во најтешки времиња, а тоа се докажа уште еднаш со кампањата која ја организираа „Комитите“ за спас на клубот пред да се отворат возбудувањата во Првата лига.

Позната навивачка група ги мотивираше сите свои членови и сите верни навивачи на Вардар од цела Македонија да купат сезонски билет за 1000 денари, средства кои ќе бидат целосно наменети за нормално функционирање на клубот.

На официјалната прес-конференција која се одржа пред три дена, Милорад Миленковски истакна дека очекува да се соберат 500 илјади евра, а денеска беше објавено колку пари се собрани за 72 часа.

Комити преку својата официјална Фејсбук страна споделија дека е достигнат првиот милион денари (околу 17 илјади евра) за само три дена, што е голем мотив за уште повеќе продадени сезонски билети.

Вардар изминатава сезона се врати во Првата лига преку баражот, но борбата не е завршена и „Комитите“ сега прават максимални напори за нормално да се функционира во елитата.