Јончевски со три големи засилувања на отворањето на квалификациите, Дамјан Стојановски се врати во репрезентацијата

Најсилната македонска кошаркарска репрезентација во месец февруари ќе ги одигра првите два натпревари од квалификациите за Евробаскетот во 2025-та година, а како најава за дуелите со Естонија и Полска, селекторот Александар Јончевски го достави списокот на повикани играчи.

Големо засилување за првиот квалификациски прозорец ќе биде Ненад Димитријевиќ кој игра во извонредна форма во Уникс Казањ, но за издвојување е и кам-бекот на едно добро познато име.

Дамјан Стојановски реши да направи неколкугодишна пауза од репрезентацијата како последица на повредите кои ги имаше, но капитенот на МЗТ Скопје сега смета дека е вистинско време за враќање со цел да му помогне на тимот.

Во новиот ростер ќе има и нов Американец кој допрва ќе треба да покаже што знаее и умее, а тоа е 208 сантиметри високиот Итан Хап кој настапува за Гран Канарија.

Првиот натпревар го играме против Естонија на домашен терен на 23-ти февруари, додека три дена подоцна и гостуваме на Полска.

СПИСОК НА ПОВИКАНИ ИГРАЧИ

Ненад Димитријевиќ – Уникс Казан, Русија
Војдан Стојановски – МЗТ С.А.
Дамјан Стојановски – МЗТ С.А.
Андреј Магдевски – Пелистер
Адем Мекиќ – Задар, Хрватска
Стојан Ѓуроски – Работнички
Андреј Маслинко – Пелистер
Теодор Симиќ – Борац Бања Лука, БиХ
Бојан Крстевски – МЗТ С.А.
Кристијан Николов – Капакли Спор, Турција
Дамјан Робев – МЗТ С.А.
Виктор Ефремовски – Работнички
Лејсон Зеќири – Башкими, Косово
Андреј Андоноски – МЗТ С.А.
Бобан Стајиќ – Работнички
Резард Мемед – КБ Или, Косово
Амар Хот – Пелистер
Андреј Шошкиќ – Работнички
Марин Петков – МЗТ С.А.
Марко Миловановиќ – МЗТ С.А.
Андреј Митревски – Феникс 2010
Виктор Ташовски – ТФТ
Ти Џеј Шортс – Париз, Франција
Итан Хап – Гран Канарија – Шпанија