Јакировиќ откри кој ќе ја носи капитенската лента во Динамо по бомбастичниот кам-бек на Адеми

Динамо бележи еден од најтурбулентните почетоци на сезоната во последните две децении и многу работи се променија на „Максимир“, започнувајќи од продажбата на важни првотимци, тренерската смена и ангажманот на Сергеј Јакировиќ, но завршувајќи со кам-бек кој ја разбуди страста и вербата кај фановите.

После неполна година мината во Кина, македонскиот репрезентативец се врати и го комплетираше трансферот во Динамо, а тоа автоматски му ја враќа и капитенската лента која ја носеше со години.

Досега, капитен на Јакировиќ беше Бруно Петковиќ, но сега тренерот Јакировиќ откри дека самиот фудбалер решил лентата да заврши на раката на македонскиот воин.

– Бруно порача: Има само еден капитен. За мене, Петковиќ, Ристовски и Мишиќ се продолжени раце на теренот, но истото важи и за Дино Периќ кој веќе пет години е во тимот.

– Сепак, кога ќе биде на теренот, Адеми е тој кој ќе биде капитен и кој ќе ја носи лентата. Кога тој нема да биде на теренот, капитенската лента ќе ја носи Бруно, – открива Јакировиќ во ексклузивното интервју за „Јутарњи лист“.