Поврзете се со нас

Лига на нации

Италијанците му ја посочија големата грешка на Донарума, голманот се налути и се потсети на Реал (Видео)

Објавено

на

Foto:twitter.com/Azzurri_En

Италијанската фудбалска репрезентација се наоѓа во процес на транзиција неполна година по освоеното Европско првенство, а вчерашниот пораз од Германија ја остварува тезата на селекторот Роберто Манчини кој побара трпение и најави тежок период.

„Аѕурите“ доживеаја непријатен шок откако вторпат во низа останаа без Светско првенство, а променлиците изданија во јуни ги завршија со фудбалска лекција од Германија.

„Панцирите“ остварија победа со убедливи 5:2 на „Борусија Парк“, но двата гола Италијанците ги дадоа во самата завршница, кога домаќините комплетно се опуштија по водството од 5:0.

Јавноста во Италија веднаш започна со критиките за болниот пораз, па во такво расположение, незадоволството не го криеше Џиџио Донарума кој го повишил тонот пред новинарите откако му било порачано дека не е првпат да прави таква грешка како онаа при голот за 5:0.

– Кога направив таква грешка? Кога бев фаулиран против Реал Мадрид? Ако сакате да правите контроверза околу овие работи, во ред, посочувајте го прстот, но јас сум тука да зборувам за тимот. Ако сакате да ме обвините, нема проблем, но според мене, сите правевме грешки.

– Како тим сме бесни и нема оправдување. Мора да се се погледнеме и кога ќе се вратиме да покажеме дека не сме ова што го прикажавме. Не фати и заморот на крај од сезоната, но ова не беше добро за нашите фанови и нема оправдување, – изјави Донарума.

Реклама
Реклама
Реклама

Популарни