Инѕаги стравува за најскапото летно засилување: Не изгледа добро

Интер успеа да слави во Бергамо и да оствари важна победа над Аталанта во регионалното дерби, но овој триумф донесе и една црна дамка за гостите од „Сан Сиро“ поради повредата во првото полувреме.

Бенжаман Павар беше најскапо летно засилување за Интер во преодниот рок кој измина и дојде како голема ѕвезда од Баерн Минхен, па иако вчера застана на свои нозе откако беше изнесен на носилки, предвидувањата не се баш најдобри.

Дефанзивецот заработи повреда на коленото и ги вклучи алармите во гостинскиот табор, а стравувањата се дека францускиот репрезентативец ќе мора да паузира со месеци.

Песимистичка изјава даде и теренерот Симоне Инѕаги, кој по триумфот од 1:2 призна дека се плаши од исходот на резултатите кои ќе му бидат направени утре.

– Начинот на кој Дармијан го замени Павар беше навистина за пример. Тој се избори за пеналот и направи тимот да надмине тежок период. Сега не ни преостанува ништо друго, останува да видиме што се случи со Павар. Неговото колено се измести од позиција и се врати назад. На лекарите им е потребно време за да ги направат тестовите, но се плашам дека ќе го загубиме на подолго време бидејќи не изгледа баш добро, – изјави Инѕаги.