Гостивар го договори талентираниот Василев, пристигна и дефанзивецот Билали

Гостивар ќе игра во Првата македонска лига во натпреварувачката 2023/2024 што значи предизвикот ќе биде поголем, па се обидува да состави што поквалитетен, поконкурентен состав,

Нови членови на повратникот во најсилната фудбалска конкуренција се Васко Василев и Амир Билали. Талентираниот голман Василев доаѓа од Рио Аве, односно ќе има можност да се покажа на нашата сцена.

Потекнува од школата на Вардар, но рано ја напушти нашата земја и преку Србија замина за Португалија од каде се враќа назад и ќе го чува голот на Гостивар.

Амир Билали пак треба да ја освежи, засили дефанзивата на гостиварци. Тој е искусен играч, има 29 години и негов последен клуб беше Сутјеска Никшиќ.