Ѓорческа со пресврт до осминафиналето на турнирот во Скопје

Најдобрата македонска тенисерка, Лина Ѓорческа обезбеди место во осминафиналето на ИТФ фјучерсот што се игра во Скопје.

Ѓорческа како единствена преостаната македонска претставничка во поединечна конкуренција мораше добро да се испоти за да ја добие Лука Удварди од Унгарија. Удварди е талентирана млада тенисерка која во првиот сет беше максимално конкуретна со Лина, поточно не попушти и со фантастичен тајбрејк (7-0) поведе со 1-0 на „Триглав Опен“.

По ова стигна реакција од Ѓорческа која беше доминантна во продолжението и со два сета во кои и препушти четири гејма на ривалката (6-2, 6-2) закажа соочување со Рина Саиго од Јапонија која е 368 на ВТА листата.

Тетовката е четврта носителна на фјучерсот кој се игра на земјена подлога за награден фонд од 40.000 долари.