Ѓорческа надиграна од тинејџерка од Филипини на турнирот во Трнава

Лина Ѓорческа го заврши настапот на ИТФ фјучерсот во Трнава и тоа во второто коло во кое беше поразена од 18-годишната Александра Еала од Филипини.

Еала која е на 180. место на ВТА листата вчера ја изненади втората носителка Ана Бондар, додека пак денеска ја надигра нашата Лина со 2-0 во сетови.

Еден ипол час траеше борбата на теренот број два, па така првиот сет заврши со 6-4, а вториот со 6-2. Ѓорческа имаше само две шанси за брејк на мечот (0/2), додека пак нејзината противнички четири пати се најде во таква ситуација, три од нив ги искористи што се покажа како доволно за да оствари триумф и го продолжи својот пат на турнирот што се игра на тврда подлога за награден фонд од 40.000 долари.

Македонската тенисерка ќе освои шест поени за резултатот на овој фјучерс.