Генијалниот Јокиќ постави неколку рекорди на своето деби во големото НБА финале (Видео)

Денвер важи за голем фаворит за освојување на НБА титулата после сето она што го прикажа во плејофот, а според најавите на букмејкерите тргна и големото финале кое беше отоврено рано утрово.

Нагетси „нагазија“ од самиот старт и не му дадоа никаква шанса на Мајами во првите две четвртини, кои се покажаа како клучни за остварување на лесна и сигурна победа од 104:93.

Домашниот тим стигна до плус 20 поени во третата четвртина и беше јасно дека победата останува во Денвер, па во четвртиот период имаше опуштање и Мајами на крајот се погрижи за подостоен пораз.

Очекувано, човек број еден на паркетот беше генијалниот Никола Јокиќ, кој игра без никаков притисок цела натпреварувачка сезона, па дури и во дебито во едно големо НБА Финале.

„Џокерот“ урна неколку рекорди во НБА финалињата и покажа зошто е најдобар играч во светот во овој момент, а прокнижениот трипл-дабл од 27 поени, 10 скокови и 14 асистенции беше доволен за одбележување на неколку интересни факти:

– Четиринаесете асистенции на Јокиќ во првиот меч се најмогу асистенции од еден центар во историјата на НБА лигата.

– Јокиќ стана само втор играч во историјата на НБА лигата кој дебитирал во финале со трипл-дабл учинок. Прв кој го направил тоа е Џејсон Кид.

– Јокиќ и Леброн Џејмс се единствените играч во последните 25 години кои на полувреме во едно финале имале над 10 поени и над 10 асистенции.

– Само три играчи во НБА историјата забележале над 450 поени, 200 скокови и 150 асистенции за време на плејофот. После Лери Брд и Леброн Џејмс, во тоа одбрано друштво сега е и Јокиќ.