Дончиќ за можниот кам-бек во Европа: Само еден клуб е во игра

Лука Дончиќ веќе пет години настапува во НБА лигата и тоа во редовите на Далас Маверикс тим со кој сега се подготвува за натпреварувачката 2023/2024.

Клубовите играат пријателски средби, а еден од ривалите на Далас е актуелниот европски шампион Реал Мадрид, дуел кој за Дончиќ е специјален со оглед на тоа што во шпанскиот великан се лансираше меѓу ѕвездите и ги направи чекорите кои му овозможија потоа да замине во НБА.

-Со нетрпение го очекувам овој натпревар со месеци и ќе биде еден од најпосебните мечеви во мојата кариера, можеби и најспецијален. Ќе биде навистина возбудливо и со нетрпение очекувам да излезам таму на теренот, -истакна Словенецот пред вечерашната средба.

-Немаше да бидам таму каде што сум сега да не беше Реал Мадрид. Овде научив сè: зборување, учење и играње кошарка. Би сакал да земам многу соиграчи со мене: Руди, Лул, тренерот, лекарот. Имам многу прекрасни спомени и среќен сум што се вратив. Ако еден ден се вратам во Европа, сигурен сум дека тоа ќе биде во Реал Мадрид. Тоа е 100 проценти, -додаде Лука со што јасно посочи кој е клубот за кого настапува ако еден ден се врати на стариот континент.