Беретини ги исплаши тениските фанови на мечот со Мари: Италијанецот за момент загуби свест на теренот (Видео)

Матео Беретини остави навистина лош период зад себе кој беше исполнет со низа повреди, па враќањето за него е посебно тешко во услови какви што нуди турнирот во Мајами.

Топлото време и влажноста на воздухот веќе направија да видиме колабирање на Артур Казу во квалификациите, но сега видовме непријатен момент и на главниот турнир.

Беретини и Енди Мари одиграа меч во три сета и Британецот успеа да слави со пресврт, нешто што можеше и да се насети откако Италијанецот имаше непријатен момент во вториот сет.

Матео имаше проблеми да се справи со временските услови и за момент загуби свест додека сервираше при резултат 5:2, па со помош на рекетот некако успеа да се додржи на нозе и да не падне на земја.

Одговорните лица веднаш му укажаа помош и го мереа крвниот притисок, по што Матео реши да се врати на теренот и да го доигра мечот во кој загуби со 6:4, 3:6, 4:6.

Matteo Berrettini almost fell over as he was about to serve

Truly terrible to see this after everything he’s gone through with injuries.

The temperature is 76 degrees, not super hot for Miami.

Arthur Cazaux fainted earlier this week.

pic.twitter.com/HgS8Goz0e2

— The Tennis Letter (@TheTennisLetter) March 20, 2024