Атлетико му ја одзема „7-та“ на Жоао Феликс и ја додели на вистинскиот човек (Видео)

Жоао Феликс го мина вториот дел од сезоната во Челси и на крајот мора да се врати во Атлетико Мадрид, но ако се суди според последниот потег на клубот од шпанската престолнина, тој не е баш најположелен на „Метрополитано“.

„Душекџиите“ на секој начин се обидуваат да извршат притисок за заминување на младата португалска ѕвезда, која сега остана и без својот стандарден број на грбот.

„Седумката“ која редовно ја носеше Феликс сега се врати кај играчот кој тој го наследи во Мадрид, а тоа е легендарниот Антоан Гризман.

По кам-бекот во Атлетико, Антоан минатата сезона ја носеше „8-та“ која беше слободна, но бидејќи одново прерасна во главна ѕвезда на тимот, клубот сега го награди со својот омилен број.

Гризман „7-та“ ја носи и во француската фудбалска репрезентација, а овој број повторно се враќа на неговиот грб и на клупско ниво.

1 de enero
2 de febrero
3 de marzo
4 de abril
5 de mayo
6 de junio
7 de… pic.twitter.com/UtWYKoF1cK

— Atlético de Madrid (@Atleti) July 6, 2023