Втор пораз во квалификациите за ЕП: Кошаркарките немоќни против Србија

Женската сениорска репрезентација на Македонија го доживеа вториот пораз во квалификациите за Евробаскетот во 2025 година.

Нашите девојки загубија од селекцијата на Србија со 103:60. Србинките се главен фаворит во групата, репрезентација која е многу моќна и без проблеми го освои СРЦ Кале и тоа во дуел во кој ги надигра избрничките на Ашаданов во сите четвртини.

Капитенот Митрашиновиќ со 23 поени беше најдобар наш поединец, двоцифрени беа уште Хемпе и Селцова кои искомбинираа 25 кошеви.

Дугалиќ пак со 17 поени ја предводеше листата на стрелци кај победникот.

Наредните две средби македонската селекција ги игра на домашен терен со Украина и Португалија.