Виери ги изненади фановите: „Бобо ТВ“ продолжува без Касано, Адани и Вентола

Кристијан Бобо Виери долго време ги забавува италијанските фудбалски фанови со подкастот „Бобо ТВ“, но вчера предизвика шок со информацијата која значи драстични промени на шоуто.

Легендарниот напаѓач го реализираше секое издание со учество на Антонио Касано, Даниеле Адани и Никола Вентола, но вчера потенцирал дека во иднина тројката поранешни играчи нема да бидат дел од анализите.

– Од вечерва ќе бидам сам на „Бобо ТВ“, им благодарам на Леле, Антонио и Никола за нивното учество и досегашната соработка.

– Ќе реализираме поинаква програма и поинаков формат, според кој фановите ќе бидат повклучени, – објавил Виери.

Бобо не ја објаснил одлуката, но им порачал на фановите дека ќе добијат повеќе време за коментари, а во емисиите ќе бидат вклучени и многу гости.