Тиафо загуби Дејвис куп меч со казнен поен од судијата (Видео)

Френсис Тиафо го загуби мечот со Талон Грикспор во рамките на Дејвис куп пресметката меѓу САД и Холандија, а дуелот во Сплит беше одбележан со инцидентот на крајот на оваа пресметка.

Грикспор имаше водство од 5:2 во тај-брејкот на решавачкиот сет и доби уште поен откако искористи челинџ, но Тиафо сметал дека поенот треба да биде преигран.

Американецот протестирал кај судијата на стол и останатите официјални лица тврдејќи дека одлуката за аут дошла пред тој да го зафати топчето, но неговите протести не вродија со плод.

Тој реагираше жестоко, кршејќи го рекетот од подлогата, па заслужено си доби втора опомена за неспортско однесување и казнен поен, со кој фактички холандскиот тенисер го затвори мечот со победа во тај-брејкот со 7:2.

– Бев многу емотивен, секогаш сакам да победам кога играм за репрезентацијата. Го скршив рекетот и заборавив дека имам опемена од претходно, па тоа беше крај, – изјавил Тиафо.

CRAZY drama to finish 😱

Tiafoe and USA lose the match and tie to a POINT PENALTY!#DavisCup pic.twitter.com/3ZNjxhL0vF

— Tennis TV (@TennisTV) September 14, 2023