Ристовски со еден потег ги воодушеви навивачите на Динамо Загреб (ФОТО)

Екипата на Динамо Загреб оствари уште една победа во дуелите со Хајдук, овојпат во Купот на Хрватска каде славеше со 1-0 со голот на Куленовиќ со 1-0.

Ова беше ново разочарување за клубот од Сплит, навивачите, а популарните „Торцида“ направија инцидент/инциденти по последниот судиски свиреж. Тие се спуштија на теренот и тргнаа кон делот каде што беа сместени навивачите на Динамо, па полуцијата, специјалните сили мораа да реагираат за да се спречи посериозен инцидент.

Хаос на вечното дерби во Сплит: Членовите на „Торцида“ влетаа на теренот, Ристовски и соиграчите избегаа во соблекувална (Видео)

Навивачите потоа лудуваа и по улиците на Сплит, па гостинските фанови некое време останаа на „Пољуд“ додека се создадат услови за да можат мирно да го напуштат стадионот и се вратат дома.

Хрватските медиуми пишуваат дека нашиот Стефан Ристовски ги воодушевил навивачите на Динамо со еден потег, им однел шишиња со вода за да може да се освежат додека чекаат да помине хаосот.

Ристовски важи за еден од милениците на „Бед Блу Бојс“, а со ова само дополнително ја доби нивната поддршка и љубов.