Муратоглу направил анализа: Има два типа на Ѓоковиќ во грен-слем финалињата

Новак Ѓоковиќ продолжи да бележи одлични резултати на најголемата тениска сцена каде пред неколку денови дојде до 24. грен слем во кариерата и тоа на Ју-Ес Опен.

Србинот го реши Данил Медведев и со тоа додаде уште еден голем резулат, резултат кој тешко дека ќе биде стигнат затоа што сега има две титули повеќе од Рафаел Надал за кого ќе видиме како ќе изгледа кога ќе се врати на терените.

Патрик Муратоглу како еден од најценетите тениски стручњаци внимателно ги прати сите случувања, па според неговата анализа има два типа на Ѓоковиќ во завршните мечеви на најголемите турнири.

-Има два типа на Ѓоковиќ во грен-слем финалињата. Го имате Новак кој доаѓа да победи и кога игра најдобро, тогаш е најдобар играч на светот. Тука е и Новак, кој доаѓа да не загуби: може да се победи, исклучително е тешко, но е победлив, -рече Патрик кој истакна една нова карактеристика во играта на Србинот.

-Тој многу ја користеше сервис волеј играта. Тоа е нешто што тој го додаде во последно време. Во повеќето клучни поени играше сервис-волеј, го искористи тоа што Данил беше далеку и така доаѓаше до поени. Исто така, излегуваше на мрежа за да ги скрати поените, -истакна Французинот.