Поврзете се со нас

Европски првенства

Мукаетов: Македонските ракометарки заслужуваат поддршка, вредат повеќе од турбофолк ѕвездите

Објавено

на

Македонската женска ракометна репрезентација денеска го започнува настапот на Европското првенство, на кое нашата земја е кодомаќин.

Тоа значи и ретка привилегија да се играат натпреварите од првата фаза пред домашна публика, а исто така и посебна чест за македонскиот ракомет и државата да биде организатор на вака елитен настан.

Претседателот на РФМ, Живко Мукаетов, во вчерашното гостување во емисијата „Топ Тема“ зборувал за првенството, но и за повисоката цена на билетите. Цената е наметната од ЕХФ, а нашата федерација направи навистина голем гест субвенционирајќи 40 проценти од цената на билетите за нашите фанови.

– Првичната идеја на ЕХФ беше цената на билетите да биде 35 евра, што за нас беше неприфатливо. Нашиот максимум беше да излобираме најевтините карти да бидат 15 евра, а потоа со спонзорите на федерацијата дојдовме на идеја да овозможиме попуст од 40 проценти за да се добие попристојна цена.

– Апелирам сите наши сограѓани да дојдат во сала, да им дадеме поддршка на нашите ракометарки, сепак е Европско првенство, се игра во Македонија и треба да застанаме зад нив. Исто така, да бидеме реални, на граѓани од одредена структура не им е проблем да платат 800, 1000 или 1200 денари за некоја турбофолк ѕвезда. Мислам дека нашите девојчиња вредат многу повеќе од тие турбофолк ѕвезди, – истакнал Мукаетов.

Македонија денеска го започнува настапот во С.Ц Борис Трајковски со дуелот против Франција од 18 часот.

Реклама
Реклама
Реклама

Популарни