Мартинез го повика Роналдо: Очекувам да го пренесе своето искуство

Интернационалните обврски кои следат за фудбалерите од Европа ги принудија селекторите да ги објавуваат своите листи за претстојните натпревари, а првата во своета етапа како селектор на Португалија ја соопшти и Роберто Мартинез.

Доскоршениот селектор на Белгија го наследи искуснииот Фернандо Сантош и го презема кормилото на селекцијата која доживеа големо разочарување на Светското првенство, кое за многумина требаше да биде и последен настап за Кристијано Роналдо во репрезентацијата.

Промената на селектор според многумина требаше да значи и крај на ерата на Роналдо како капитен, но засега фудбалерот на Ал Наср останува во тимот и доби повик од страна на селекторот.

– Зборував со Роналдо и тој е многу поврзан со репрезентацијата. Може да ни донесе искуство, тој е играч кој е многу важен за нашиот национален тим.

– Јас не ги гледам годините, ги гледам останатите аспекти. Кристијано има можност да му помогне на тимот и да го пренесе своето искуство на другите играчи. Сите 26 кои се повикани, имаат можност да покажат дека треба да бидат дел од овој тим, – изјави Мартинез.

𝗧𝗵𝗲 𝗖𝗛𝗢𝗦𝗘𝗡 𝗢𝗡𝗘𝗦. ⚡🇵🇹 Senhoras e senhores, estes são os eleitos de Roberto Martínez para os próximos jogos 👊 #VesteABandeira pic.twitter.com/gS1r0cuhYH

— Portugal (@selecaoportugal) March 17, 2023