Мари: Алкарас е неверојатен, но Ѓоковиќ е нешто сосема друго

Енди Мари во живо го следеше поразот на Новак Ѓоковиќ во финалето на Вимблдон, но Британецот уште тогаш најави дека не е дојдено до смена на генерации и нагласи дека Србинот ќе продолжи да се бори за сите грен слем титули во иднина.

Поранешниот светски рекет број еден водеше жестоки битки со Ноле во своите најдобри играчки денови, а сега како тенисер кој има послаб ранкинг, со големо воодушевување ја следи доминацијата на Србинот која продолжи со победа на Ју-Ес Опен.

Ѓоковиќ играше во финалињата на сите четири грен слем турнири оваа година, на три оствари триумф, а загуби тесно во она на Вимблдон кое го играше против Карлос Алкарас.

– После Вимблдон сите велеа дека ќе следи промена во светскиот тенис, но за мене не изгледаше тоа така. Беше јасно дека Ноле освои два од првите три грен слема и беше многу блиску во финалето на Вимблдон. Сега повторно покажа дека е најдобар играч во светот, па сега останува на младите да покажат дека се доволно добри за да го стигнат.

– Нема да прекине неговата доминација, мислам дека нема да сопре на 24 грен слем титули. Има многу фактори, еден од нив е некој како Алкарас дополнително да се подобри. Шпанецот е неверојатен играч, брилјира на теренот, но тоа што го прави Ноле е нешто друго. Не е исто да сте на највисоко ниво 15 или 20 седмици во една година, Новак е ист секогаш кога ќе излезе на теренот и тука е разликата. Сметам дека Алкарас набрзо ќе го достигне тоа ниво на Ноле, но исто така сметам дека ова нема да биде последен грен слем за Ѓоковиќ, – порачува Мари за „Би-Би-Си“.