Македонските ракометари пристигнаа на втората станица, во недела следи нов спектакл против домаќинот на турнирот (Фото)

Специјален известувач за „Дерби“ од Берлин, Ристе Влахов

По историските доживување во Диселдорф и рекордниот натпревар против селекцијата на Франција, македонскта ракометна репрезентација денеска ги спакува куферите и стигна до својата втора станица на Европското првенство.

Македонските ракометари и целиот наш екипаж пристигнаа во новата база во Берлин, а дотаму стигнаа со експресен воз и покрај тоа што германските железничари штрајкуваат во изминатите неколку дена.

Македонската Федерација се заблагодари за коректниот однос и удобниот пат до сите кои се дел од железничкиот сообраќај, па по брзата аклиматизацијата која ќе следи, Кирил Лазаров и ракометарите ќе почнат да се подготвуваат за она што следи.

Македонија во Берлин ја очекува пеколна атмосфера во „Мерцедес-Бенц арената“ во Берлин, бидејќи во недела наша втора пречка на континенталниот собир ќе биде домашната селекција Германија.

Високиот пораз од Франција мора да се архивира и да се извлечат само позитивните страни од мечот во „Меркур Шпил Арената“, но секако да се стави и фокус на концентрацијата која повторно затаи во последните 15 минути.