Луис Енрике ги изненади новинарите со „бајката“ за Мбапе: Замислете ако…

Навивачите на ПСЖ веќе се соочија со фактот дека Килијан Мбапе ќе замине летово и веројатно ќе го засили Реал Мадрид, но тренерот Луис Енрике очигледно последен ќе се соочи со реалноста.

Во пресрет на дербито со Олимпик Марсеј, предводникот на ПСЖ истакнал дека верува во пресврт, односно во сценарио во кое Мбапе ќе се премисли и ќе остане во Париз.

– Не сум убеден дека ова е негово последно дерби со Марсеј.

– Јас секогаш останувам со верба дека Килијан може да се премисли, досега не кажал ништо официјално, дефинитивно може да се премисли.

– Замислете ако освоиме четири трофеи сезонава и Мбапе во последен момент одлучи да остане во Париз. Зошто да не? – рекол Енрике, кој очигледно до последно ќе верува во пресврт со иднината на најголемата ѕвезда на својата екипа.