Кубо изрежира специјална магија на тренингот и најави дека е „наострен“ за Барселона (Видео)

Со утрешното големо градско дерби меѓу Севилја и Бетис ќе биде означен рестартот на сезоната во шпанската Примера, сето тоа како добра најава за она што ќе следи претстојниов викенд.

Натпреварот меѓу омразените ривали од Андалузија треба да претставува празник за фудаблот во Шпанија и покрај тоа што нема да има публика, а возбудувања треба да има веќе и наредниот ден бидејќи дерби средба ќе одиграат Валенсија и Леванте од која дел ќе биде нашиот Енис Барди.

Барселона и Реал Мадрид своите натпревари ги играат за време на викендот, со тоа што каталонците и гостуваат на Мајорка, а „кралевите“ го пречекуваат Еибар.

Шпанскиот првак веќе извесно време со полна пареа се подготвува за гостувањето на Палма де Мајорка, но ова попладне, оттаму ни пристигна и едно специјално загревање од страна на фудбалерот на Реал Мадрид.

Кубо игра во Мајорка како позајмен играч од Реал, а како поранешен член на „Ла Масија“ школата на Барселона, ни долови дека се загрева за битка со поранешниот клуб со фасцинантна „рабона“ мајсторија.