Свет
Канзас Сити е прв женски тим со сопствен стадион, ќе ја брка американската титула со двајца Македонци на клупата
Почетокот на новата сезона во женската американска фудбалска лига е посебно интересна поради фактот што прв фаворит за титулата е Канзас Сити Карент, тимот кој уште денеска ќе игра првпат на својот целосно нов стадион, а ќе биде предводен од македонско дуо во стручниот штаб.
Канзас Сити е првиот женски тим во светот кој доби сопствен стадион, а сопствениците, меѓу кои и НФЛ ѕвездата Патрик Махоумс, вложија околу 120 милиони долари во изградбата, која е комплетирана и со тренинг центар кој беше активиран претходно.
Шампионските амбиции се надополнети со ангажманот на Влатко Андоновски, македонскиот стручњак кој до неодамна беше американски селектор, а сега се врати во градот каде ги постигна најголемите успеси и освои две титули со истата франшиза која сега има нови сопственици.
Каква доверба има раководството во родениот скопјанец е фактот што тој истовремено е и спортски директор на клубот.
Андоновски има солиден тим на располагање, а во својот стручен штаб го ангажираше и Љупчо Кметовски, поранешниот голман кој освојуваше трофеи со неколку македонски екипи, пред да продолжи како тренер на голманите во неколку клубови. Кметовски во 2018 година го придружуваше Андоновски во Сиетл и таму остана и по заминувањето на идниот американски селектор, а сега повторно ќе соработува со својот сонародник.
Канзас Сити денеска од 18 часот го пречекува Портланд на новиот „Си-Пи-Кеј-Си“ стадион, чиј капацитет е 11.500 гледачи и сигурно ќе биде исполнет до последното место.
We built this stadium for our players.
For our fans.And for everyone else around the world to see what women’s sports deserve.@cpkcstadium | #KCBABY pic.twitter.com/49a7oyqCFW
— KC Current (@thekccurrent) March 15, 2024
-
НБАпред 16 часа
Брансон како Џордан и Леброн, познато е првото полуфинале на Истокот (ВИДЕО)
-
Шпанијапред 14 часа
Левандовски: Барселона е најголемиот клуб на светот, горд сум…
-
Светпред 11 часа
Гомез за „билдерот“ Озил: Не знам која е неговата цел (ФОТО)
-
Англијапред 17 часа
Тен Хаг излезе со коментар за неверојатното издание на Санчо во полуфиналето во ЛШ
-
Германијапред 15 часа
Алонсо: Одигравме интелегентно и зрело, ама…
-
Англијапред 17 часа
Покетино испрати загрижувачка порака за својата иднина по победата над Тотенхем
-
Италијапред 12 часа
Ултрасите нема да навиваат за Милан на мечот против Џенова
-
Светпред 15 часа
Големо име: Уште еден добар пријател на Меси може да се пресели во Интер Мајами