Ирвинг го разочара славеникот Дончиќ со последниот шут на мечот (Видео)

На денот кога Лука Дончиќ го славеше својот 24-ти роденден, Далас на домашен терен играше против Индијана, а поради посебниот ден за ѕвездата, повеќе од јасно беше дека императив беше да се оствари победа.

Сепак, гостите од Индијана не мислеа така и остварија тесна победа во „Американ Ерлајн центарот“, со што се погрижија за роденденско разочарување за словенечката ѕвезда.

Дончиќ беше навистина расположен и мечот го заврши со 39 поени зад своето име, но на крајот остана без победа поради својот нов соиграч, Кајри Ирвинг.

Новата ѕвезда на Далас ја презема одговорноста и реши тој да го решава победникот, но неговиот последен обид за три беше неуспешен и Индијатна победи со 122:124.

Ирвинг беше навистина скромен и го заврши мечот со 16 поени, додека кај Пејсерси се истакнаа Халибартон со 32 и Тарнер со 24 поени.

Falló Irving el tiro que podía dar la victoria a Dallas. El balance con Kyrie y Luka en cancha pasa a ser de 1 victoria y 4 derrotas.pic.twitter.com/dpBijm4z63

— Gigantes del Basket (@GIGANTESbasket) March 1, 2023

НБА резултати:
Атланта – Вашингтон 116:119
Бруклин – Милвоки 104:118
Мемфис – Л.А. Лејкерс 121:109
Торонто – Чикао 104:98
Хјустон – Денвер 112:133
Оклахома – Сакраменто 117:123
Далас – Индијана 122:124
Јута – Сан Антонио 94:102
Голден Стејт – Портланд 123:105
Л.А. Клиперс – Минесота 101:108