Херојот на Јувентус: Долго време го чекав овој момент (ВИДЕО)

Составот на Јувентус се избори за уште една дерби победа на гостински терен и тоа на „Артемио Франки“ во Фиренца каде ја совлада Фиорентина со 1-0.

Погодокот вреден три големи бода за „бјанконерите“ беше дело на младиот Фабио Мирети за кого ова беше прв гол за великанот.

-Долго го чекав овој момент и конечно дојде. Најважно беше да ги донесеме трите бода дома. Се надевам дека сега ќе дојдат уште голови. Она што го барам е одредена конзистентност во моите настапи, а тоа значи и голови, -порача 20-годишниот Мирети.

Интересно е тоа што и легендата на Јуве, Клаудио Маркизио својот прв гол за клубот исто го има постигнато во триумф над Фиорентина со 1-0.

-Клаудио неколку пати ми пиша за да ме охрабри и јас му благодарам. Оваа случајност исто така прави да изгледа поубав момент, -рече Фабио кој не размислува за Скудетото иако тие како група се на втората позиција со само два бода помалку од Интер.

-Треба да собереме што е можно повеќе бодови за да останеме во првите четири, а потоа ќе видиме до каде сме во мај -заклучи Мирети за „ДАЗН“.