Еурофарм сигурен против Тиквеш, Металург врза три суперлигашки победи

Еурофарм Пелистер не одигра посебно ефикасен натпревар против аутсајдерот Тиквеш, но на крајот стигна до убедливи 25:16 во денешниот дуел од машката ракометна Супер лига.

Битолскиот состав не дозволи грешка на средбата со Тиквеш, а победникот беше решен уште во првиот дел кој заврши со резултат 15:5.

Костески со 8 гола бил најефикасен кај победничката екипа, додека Дрогришки со 5 погодоци бил најдобар реализатор во редовите на Тиквеш.

Во Скопје, Металург го совлада Прилеп со 35:27 и на тој начин стигна до три победи во серија во домашното првенство.

Озтурк со 8 и Лазаревски со 7 гола биле најефикасни во редовите на Металург, а Милошевски со 12 реализации го предводел тимот на Прилеп.