Бизарен инцидент на СП во атлетика: Две голф колички се судрија, атлетичар доби незгодна повреда (Видео)

Будимпешта и Унгарија се домаќини на актуелното Светско првенство во атлетика, а организаторите вчера се соочија со првиот поголем проблем, кој предизвика и многу реакции.

Пред стадионот се случил бизарен инцидент во кој две транспортни голф колички се судриле, при што повреда заработи и еден од атлетичарите кои користеле превоз.

Јамајканскиот спринтер Ендрју Хадсон експресно се пожали дека му влегло парче стакло во окото и тоа пред полуфиналето на 200 метри, кое беше одложено половина час поради овој проблем.

Настрада и волонтер кој испадна од една од количките, а за малку беше избегнат судир и со пешаци кои беа во близина на судирот.

Not what you want to see before a race…

Jamaica’s Andrew Hudson was left with glass in his eye after two buggies crashed 😲#WorldAthleticsChamps #BBCAthletics pic.twitter.com/asXjqdI02r

— BBC Sport (@BBCSport) August 25, 2023

По лекарската интервенција, Хадсон се појавил во полуфиналето и го освоил петтото место, но судиите решиле да му овозможат пласман во финалето, во кое ќе има девет наместо осум атлетичари.