Беверли ќе заработи суспензија поради грубото туркање на Пол

Патрик Беверли му се извини на Крис Пол, но тоа може да не биде доволно за да се извлече без казна од НБА.

Пол одигра маестрален натпревар во дресот на Феникс и му помогна на својот тим да се пласира во финалето на НБА плејофот, а Беверли покажа колку играчите на Л.А Клиперс беа фрустрирани од фактот што не можат да им се спротивстават на „сонцата“ на домашен терен.

Беверли го оттурна Пол од зад грб, по што овој заврши на теренот, а судиите очекувано го испратија кошаркарот на Клиперс во соблекувалната.

Нешто подоцна, Беверли преку Твитер испрати извинување до Пол, објаснувајќи дека емоциите го направиле своето и честитајќи му го пласманот во финалето на плејофот.

@CP3 emotions got the best of me last night gang. My bad wasn’t meant for you. Congrats on making it to the Finals. Best of Luck 🤞🏾

— Patrick Beverley (@patbev21) July 1, 2021

Но, американските медиуми најавуваат дека Беверли ќе биде казнет, што најверојатно подразбира суспензија за почетокот на следната сезона, а во најдобар случај за него ќе добие поголема парична казна од НБА.