Поврзете се со нас

Мото ГП

Бањаја триумфално во Херес, Квартараро се осамостои на врвот во генералниот пласман

Објавено

на

Foto:twitter.com/ducaticorse

Трката за Големата награда на Шпанија се возеше ова попладне на легндарната патека Херес, на која видовме возбудувања на почетокот и на самиот крај.

Пеко Бањаја ја продолжи својата доминација од вчерашните квалификации и без проблеми ја одржа својата предност пред Фабио Квартараро, кој денеска едноставно не доби шанса за напад против Италијанецот.

Актуелниот првак постојано беше во една секунда, но ниту еднаш не доби реална прилика за напад и така видовме прво славје на фабрички мотоцикл на Дукати оваа натпреварувачка сезона во Мото ГП.

Како и да е, Квартараро ќе остане задоволен од второто место бидејќи со новите бодови се осамостои на врвот во генералниот пласман, каде втор сега е Алеиш Еспаргаро кој ја искористи драмата на пет круга пред крајот.

Возачот на Априлија го искористи дуелот на Маркез и Милер за да ги мине и да избие од петтото на третото место, па така си обезбеди место на подиумот во Шпанија.

Маркез на крајот заврши четврти откако конечно го мина Милер во последниот круг, но ова е добра најава и од него после тешкиот период со новиот мотоцикл на Хонда.

Реклама
Реклама
Реклама

Популарни