Атанасов: Немаме право на грешка, амбициите на МЗТ се највисок пласман во АБА2

Македонскиот првак, МЗТ Скопје и во оваа сезона ќе биде дел од АБА конкуренцијата со тоа што сега одново ќе настапува по второто по ранг натпреварување.

„Штрковите“ утре ќе го отворат своето „патување“ во актуелнава кампања и тоа со пресметката против хрватскиот прволигаш Цедевита, дуел закажан за вечерниот термин од 21 часот.

Тренерот Васко Атанасов верува дека има тим за највисок пласман, тим кој ќе почне да се докажува веќе од дуелот со Цедевита.

-Средбите во Суботица ќе бидат одличен тест за нашата сила и квалитет со кој располагаме. Со амбиции за највисок пласман влегуваме во АБА2, која се игра забрзано, па речиси да немаме право на грешка. Против Цедевита јуниор ќе пробаме од стартот да го наметнеме ритамот и нашиот стил на игра и да го искористиме завидното искуство кое многу ќе ни значи во ова натпреварување. Верувам во својот тим и во успешен старт на јадранската сезона, -порача Атанасов.