Милвоки се врати во НБА финалето по речиси пет децении (Видео)

Екипата на Милвоки ја победи Атланта како гостин со 118:107 во шестиот натпревар од финалето на Истокот и обезбеди битка за титулата со Феникс Санс.

Бакс повторно беа подобри од Атланта без својата прва ѕвезда Јанис Адетокумбо, а на теренот предводени од Мидлтон и Холидеј, кои беа најдобри реализатори на ова гостување.

Милвоки имаше резултатска контрола и на оваа средба, Атланта повремено се приближуваше, но не и помогна ниту враќањето на Јанг во составот.

На крајот, Милвоки избори прв пласман во финалето на НБА плејофот по 1974 година.

Мидлтон со 32 и Холидеј со 27 поени биле најефикасни кај гостите, додека во редовите на Атланта, Редиш реализирал 21, а Богдановиќ 20 поени.