ЛЕ: Милан обезбеди солидна предност, Обамејанг со лоб атракција ја запечати победата на Марсеј (Видео)

Милан имаше фудбалер повеќе уште од 26. минута на натпреварот против Славија Прага, за на крајот тоа да биде доволно за победа од 4:2 и солидна предност во пресрет на реваншот од осминафиналето на Лига Европа.

„Росонерите“ поведоа преку Жиру, голови во првиот дел постигнаа и Рејндерс и Лофтус-Чик, додека во второто полувреме Пулишич погоди на асистенција на Леао. Гостите од Чешка намалуваа на 2:1 и 3:2, но на крајот имаат два гола негатива.

Олимпик Марсеј ја наполни мрежата на Вилјареал (4:0), а ветеранот Пјер-Емерик Обамејанг постигна два од четирите гола на францускиот претставник.

Вистинската мајсторија, напаѓачот на Марсеј ја остави за крај и со лоб атракција го постави конечниот резултат на дуелот кој гостите во добар дел играа и без исклучениот Морено.

Бенфика два пати израмнуваше против Глазгов Ренџерс за конечни 2:2, додека Фрајбург го совлада Вест Хем со минимални 1:0.

🚨 Pierre-Emerick Aubameyang, sensational! 🇬🇦

pic.twitter.com/3byBd2wKho

— ftblbalr. (@ftblbalr) March 7, 2024