Лаутаро постигна одличен гол, Интер го освои Бергамо (Видео)

Интер не попушта и продолжи да реди победи во Серија А, но оваа вечер беше навистина тешко извојувана на секогаш незгодното гостување во Бергамо кај Аталанта.

Симоне Инѕаги внимателно го подготвуваше својот тим уште во најавите за локалното дерби, а на крајот пресудија нијанси и подобрата ефикасност која ја имаа гостите.

Интер поведе по еден контроверзен судир меѓу голманот на Аталанта и Дармијан, кога иако домаќините очекуваа фаул во напад, на крајот беше досуден пенал.

Чалханоглу ја презема одговорноста и погоди за водство од 0:1, а клучниот момент се случи во 57-та минута кога Лаутаро Мартинез со хируршки прецизен удар зголеми на 0:2.

Аталанта брзо се врати и ја искористи грешка во одбраната на Интер за да намали на 1:2, но погодокот на Скамака беше последен гол на оваа средба и Интер освои големи три бода со конечни 1:2.