Формула 1
Хамилтон го доби дуелот со Ферстапен, драмата во Бахреин најавува атрактивна Ф1 сезона
Луис Хамилтон победи на првата трка од новата Формула 1 сезона, која денеска се возеше во Бахреин, а на која успеа да ја добие драматичната завршница и жестокиот дуел со Макс Ферстапен.
Ферстапен ја започна трката од пол-позицијата, но Луис Хамилтон го презема водството преку пит-стоп стратегијата и го имаше се до крајот.
Во меѓувреме, возачот на Ред Бул благодарение на тимската стратегија за завршницата сериозно ја намалуваше предноста поради посвежите пневматици и последните пет кругови донесоа вистинска драма.
Ферстапен успеа да го претекне Хамилтон на два круга до крајот, но откако тоа го направил излегувајќи надвор од патеката, доби тимска наредба да го пропушти Британецот за да избегне казна.
Хамилтон се врати на почетната позиција и до крајот не дозволи повторно да биде претекнат од Холанѓанецот, кој сигурно ќе биде разочаран со второто место.
Валтери Ботас имаше катастрофален пит-стоп поради грешката на механичарите и мораше да се задоволи со третата позиција, Ландо Норис го освои четвртото место, додека задоволен мора да биде и Серхио Перез кој стигна до петтата позиција, иако поради проблеми со болидот, мораше да стартува од последното место.
До десеттата позиција се најдоа Леклер од Ферари, Рикардо од Мекларен, Саинц од Ферари, Цунода од АлфаТаури и Строл од Астон Мартин.
Повратникот во Ф1, Фернандо Алонсо не ја заврши трката поради проблеми со сопирачките на болидот на Алпин, а пласман не обезбедија и Гасли, Мазепин и Латифи.
Мик Шумахер на своето Формула 1 деби го освои последното 16. место меѓу возачите кои ја завршија трката.
-
АТПпред 15 часа
Ѓоковиќ кратко се огласи по необичниот инцидент во Рим (Фото)
-
Шпанијапред 14 часа
Момент кој многумина го заборавија: УЕФА го издвои клучниот потег на Модриќ кој овозможи нов незаборавен пресврт на Реал (Видео)
-
Англијапред 13 часа
Вилијан: Не размислувам да му помогнам на Арсенал со победа над Сити
-
Шпанијапред 15 часа
Ривалдо со сурово искрена изјава за Реал ги повреди навивачите на Барса: Треба да се гледа низ призмата….
-
Германијапред 6 часа
Елмас играше за „биковите“, Келн со голем пресврт до победа за надеж за опстанок во Бундеслигата (ВИДЕО)
-
Англијапред 5 часа
Тотенхем ја прекина серијата на лоши резултати и го испрати Барнли во Чемпионшип лигата (ВИДЕО)
-
Балканпред 6 часа
Мајсторски гол на Аврамовски, Болуспор ќе се бори за влез во првата лига (ВИДЕО)
-
АТПпред 8 часа
Ветеранот немоќен: Надал надигран од Хуркач во Рим (ВИДЕО)