Де Брујне го постигна првиот гол со глава, Сити убедлив на „Амекс“ (ВИДЕО)

Составот на Манчестер Сити го потврди статусот на фаворит и избори сигурен триумф над Брајтон од 4-0 на вечерашниот меч кој се одигра на „Амекс“.

„Граѓаните“ доминираа, беа ефикасни, ефективни и со новите три бода дојдоа до второто место на табелата, поточно сега се на минус еден во однос на лидерот Арсенал кој има одиграно и еден натпревар повеќе од актуелниот првак.

Резултатот беше отворен во 17 минута и тоа со првиот гол на Де Брујне со глава во ПЛ. Тој е во Сити од 2015 година, претходно беше дел од Челси што значи дека од 2012 година ова е прв погодок на Белгиецот на ваков начин во шампионатот.

Kevin De Bruyne has been in the Premier League since 2012, and he just scored his FIRST header ⚽️😂 pic.twitter.com/k45cTWDpV1

— CBS Sports Golazo ⚽️ (@CBSSportsGolazo) April 25, 2024

Во 26 до 34 минута во фокусот беше Фоден кој успеа двапати да се запише во листата на стрелци. Овој резултат беше активен до 62 минута кога Вокер ја запиша втората асиситенција, а во улога на реализатор беше Алварез.

Наредната средба за четата на Гвардиола е на „Сити Граунд“ против Нотингем Форест.