Бекер: Надал ќе се врати и не би се обложил против него на земјена подлога

Борис Бекер деновиве е актуелен низ медиумите поради своите изјави поврзани со Новак Ѓоковиќ, но и Рафаел Надал, кој подолг период паузира поради повреда.

Германецот смета дека Шпанецот се подготвува за враќање, а ако процени дека може да се врати на терените, тогаш повторно ќе биде многу опасен посебно на својата омилена подлога.

– Надал е идол на многу фанови, милиони луѓе низ светот едвај чекаат да го видат повторно на теренот.

– Мислам дека не би се вратил, ако не смета дека има шанси да освојува големи турнири. Така што, ако се врати, тоа ќе биде за да освојува трофеи, а не да игра прво и второ коло.

– Неговата крајна цел секогаш ќе биде Ролан Гарос, а подоцна веројатно и Олимписките игри кои ќе се играат на истите терени во Париз. На почетокот ќе прима удари, но потоа следуваат март и април, ќе дојдат и неговите пет минути. Се уште не би се обложувал против него на земјена подлога, – рекол Бекер.