Трајковски: Среќен сум поради првиот гол, ама нема тука да застанам

Македонскиот репрезентативец, Александар Трајковски беше човек на одлука во триумфот на Хајдук над Рудеш во првата хрватска лига.

Фаворитот славеше со 1-0 и тоа со голот на нашиот напаѓач на стартот на второто полувреме. Ова дефинитивно е погодок кој значи и кој ќе му помогне да има што подобри изданија во наредниот период.

-Мислам дека најважно е што го добивме натпреварот, освоивме три бода и едноставно мораме вака да продолжиме, да освоиме што е можно повеќе бодови, тоа е најважно за сите. Знаевме дека Рудеш има високи стопери. Сакав да барам длабочина за да направам простор за другите играчи. Фала му на Бога во второто полувреме искористивме едно нафрлување. Среќен сум што го постигнав првиот гол за овој клуб. Се надевам дека ќе ги има што е можно повеќе, -порача Трајковски.

Трајковски со првенецот за Хајдук донесе важна победа за својот тим (Видео)