Трајковски со првенецот за Хајдук донесе важна победа за својот тим (Видео)

Александар Трајковски досега запиша една асистенција во хрватската елита на дербито против Динамо, но денеска го дочека својот првенец во дресот на Хајдук и донесе победа за својот тим.

Македонскиот репрезентативец веќе се наметна како сигурен стартер и се почесто е важен дел од акциите на Хајдук, па денеска беше човек на одлука на мечот кој се одигра на „Пољуд“.

Хајдук оствари минимален триумф и погодокот беше постигнат на стартот на вториот дел, кога популарниот Алекс ја испрати акцијата од левата страна и се најде на вистинско место во вистинско време.

Погодокот во 47-та минута ја направи клучната разлика на натперварот и Хајдук освои важни три бода, со кои сега тимот од Сплит се израмни со лидерот на табелата.

Ријека вчера киксираше и не освои три бода, па така сега има идентични 27 како Хајдук на делбата на првата позиција.