„Светците“ добија дефанзивец за 20 милиони евра: ПСЖ ја отвори новата година со прво јануарско засилување (Фото)

Луис Енрике сметаше дека неговиот тим е некомплетен и побара засилувања од управата во јануарскиот преоден рок, а веќе во првиот ден од Новата година го доби првото засилување.

ПСЖ денеска го потврди ангажманот на Лукас Бералдо кој доаѓа од редовите на Сао Пауло, фудбалер кој игра во одбраната и кој треба да ја зголеми конкуренцијата во првиот тим на Лучо.

Како што јавуваат најугледните француски медиуми, ПСЖ исплатил 20 милиони евра за трансферот на талентираниот дефанзивец кој по природа игра на стоперските позиции.

– Пари Сен Жермен со задоволство го пречекува Лукас Бералдо. 20-годишниот бразилски дефанзивец ќе го носи бројот 35 и потпиша петгодишен договор со клубот, – објавија „светците“.

Бералдо е веќе во Париз и во најскоро време ќе се приклучи на тренинзите, а можно е да дебитира веќе на 14-ти јануари против Ленс.

🆕✍🏻

Le Paris Saint-Germain se réjouit d’accueillir Lucas Beraldo.
Le défenseur brésilien de 20 ans, qui portera le numéro 35, a signé avec le Club pour cinq saisons.

❤️💙 #WelcomeBeraldo

— Paris Saint-Germain (@PSG_inside) January 1, 2024