Младиот охридски херој Марко уште еднаш го преплива Охридското езеро (Видео)

Младиот Марко Пејчиновски од  Охрид го привлече вниманието пред две години кога го преплива Охридското езеро на само 12 години.

Подвигот на Марко беше дотолку поголем ако се земе предвид фактот дека тој страда од ретка болест, инфаркт на коските на долните екстремитети, па токму затоа и го привлече целото внимание на македонската јавност.

Марко оваа година, за празникот Свети Наум се реши да ја преплива истата делница со тоа што овојпат тргна од градското пристаниште, а во Св. Наум пристигна по 7 часа 14 минути и 50 секунди.

Ова е значително подобрување на времето на Марко кој пред две години го преплива езерото за време од речиси девет часа.