Мбапе им се извинуваше на фановите, па го однесе ПСЖ во финалето (Видео)

Килијан Мбапе почна постојано да биде повлекуван од Луис Енрике во последно време, но вечерва одигра цел меч и направи главна разлика во полуфиналето во Купот.

„Светците“ ја оправдаа улогата на фаворити и се пласираа во големото финале во кое ќе играат против Лион, и тоа благодарение на својата прва ѕвезда која имаше необична вечер.

Мбапе не реализираше пенал во 37-та минута и беше одлично прочитан од Манданда, но три минути подоцна со многу среќа се запиша во листата на стрелците и погоди за 1:0.

Францускиот напаѓач при прославата им се извини на навивачите на ПСЖ за претходното промашување, а на крајот ова се покажа како клучен момент за обезбедување на виза за финалето.

Во првиот полуфинален дуел, Лион беше подобар од Валенсиен со 3:0 во мечот кој се одигра вчера.

Kylian Mbappé apologizing for missing his penalty earlier after he scored. 🫡pic.twitter.com/bTwrOo9Pe9

— KMZ (@KM10Zone) April 3, 2024